Fryma poetike e së dielës  me poezinë e poetes:Rajmonda  Qose SHKOPI

Mbyte mërzinë

Çeli buzët gjysmëëndra ime !

Lëshoji rrezet e vezullimit të buzëqeshjes në honin më të errët ,

që mban lidhur me prangat e kohës lumturinë.

Ma çliro prej burgut

këtë shpirt që mbeti rob,

nën tiraninë e zinxhirëve të dhimbjes tënde.

Ndali udhën lotit

Puthe deri në qelizë ,

sapo dritaret të hapi agimi .

Çdo ditë është unike,

Nuk përsëritet dy herë.

Mbyte mërzinë në lumin e artë të lumturisë,

që derdhet si nektar,

sapo ti buzëqesh.

Dhe mos lë grimcë trishtimi

pa e përpirë në ato valë.

Se kur ti qesh …

Oh, kur ti qesh, unë ngopem me ajër,

Unë ndihem gjallë.

/www.qendrapress.com