Fryma poetike e së enjtes me poeten;- Ajne IBERHYSAJ

ANË DO MIQËSI QË NGELIN HYJNI

————————————————-

Janë disa fjalë që mbesin në fyt

Kafshojnë̈ makth e zgjojnë̈ ndërgjegjen

Janë disa premtime që ngelin në kokë

Peng i fjalës e pendesë e shpirtit

Janë do sy që ngujohen në shpirt

Deti i pafund e qiell me shi

Janë do kujtime që sillen kokës

Yjet i trazojnë̈ e shpërndajnë mërzinë fije-fije

Janë̈ disa derte që tinëz brejnë̈ trupin

Bien si gjethe e rëndojnë tokën

Janë̈ edhe do rënkime që flasin në heshtje

Përflaken e shenjtërohen me pika vese

Janë disa çaste që kapin rrezet

Me mëngjeset bëjnë kurorë bese

Janë̈ do miqësi që ngelin hyjni

Dritë e diellit e madhështi shpirti

Janë do shtigje me shumë dhimbje

Natën e bëjnë dritë

E jeta rrugëton me rrezet e mëngjesit

/www.QendraPress.com/