Fryma poetike e së mërkurës me poeten; Aferdita HADAJ

Rini e bukur.

***********************

Rini e bukur quhesh

O lulja plot vesë

Je si rrezja e diellit

Që ngroh shpirtin

Çdo mëngjes.

Je bukuri e natyrës

Pranverë që s’shahet kurrë

Je aromë trëndafilash

Që shpirti i do aq shumë.

Se je ajka e rinisë

Ndaj je nur i bukurisë

Je ylberi me shtat ngjyra

E bekuar nga natyra.

Sa shumë, që shkruajnë poetët

Për të bukurën rini………!

Duan të-të lënë në vargje

Të kujtojmë me nostaligj.

Se në vargje do të ngelesh

Si manushaqet me erë

Që zili ta ket dhe mosha

Pleqëri kur të-të zërë.

E’hh rini e bukur shumë

Sikur plakje të mos kishe

Parajsë e vërtetë do ishe

Dhe bota do ishte ndryshe.

/www.Qendra Press.com/