Fryma poetike e së mërkurës me poeten;-Mirushë MUSA

KURORË HËNASH

——————————

Nuk hezitoj të shkruaj për ty,o Atdheu im,

Ti njoh plagët e dhembjes, sa të vjetra i ke.

Dhe gjakun e derdhur si lumë për mbi gur,

Jam krenare për ty, nuk të tradhëtoj kurrë.

E njoh trimërinë të vashave arbërore,

Që luftuan në beteja krah për krah me burrat.

Në përballje me armikun s’u mposhtën kurrë,

Si shqiponjat mbi shkëmbinj mbeten skulpturë.

Jam rritur mbi kreshtat me kurorë hënash,

Yjet pushojnë në bukuritë e tyre përrallore.

Mes luleve të egra dhe aromave të thanave,

Në kasollë prej druri buzë kroit si sy zanash.

Mes atyre kodrave ushton gurra e përroit,,

Si njė kengë lashtësie i zgjon lisat e malit .

Hëna dhe dielli kuvendojnë nëpër ato oda,

Me djelminë e shalës, shkifterë e shqiponja.

Kam parë gurët e mykur, larë prej gjakut,

Dhe gjamët maleve që jehonin me shpresë.

I njoh mikëpritjet e fshatit brenda konakut,

Që shtruan sofrat me buk krip, zemer e besë.

/QendraPress/