Fryma poetike e së mërkurës me poeten:-Shukrije Dedinca BOROVCI

KAM PARË /2024

——————————-

Kam parë njerëz që bukën

e hanë me lot

e diellit i qeshin sapo lind,

kam njohur gra të përvuajtura

të dhunuara e të mposhtura

që ndrydhin emocionet e

rrisin me dashuri fëmijët…

Kam parë jetima rritur

me thërrime buke

e me lëmoshë nga te tjeret…

…. të tillët më vone të

pjekur e të mbarë…

Kam parë pleq e skamnor

të lënë në harresë

e që shkëlqimi syve nuk ju ikën…

…thonë kemi fëmijë e familjarë plotë.

Shpesh takoj njerëz të pasur e krenar

egoistë e të pandjerë, kënaqen

me vetën e nuk shohin të tjerë,

të tillët nuk e kuptojnë sa janë të mjerë.

Kam parë dhe gra te shpërlara

jetën ngritur pa moral e vlerë

u duket vetja se janë të veçanta përherë…

Të tjerë shumë njerëz injorant e të pabesë

për synimet e tyre të sëmura

nuk kursejnë askë, të tillët

nuk shohin njeri, shohin

vetëm egon e shohin të vetën kënaqësi….

/QendraPress/