Fryma poetike me poetin;-Gëzim AJGERAJ

GRINDJES S’ PO I BIEN DHËMBËT

———————————————

I shoh çdo çast atje te sheshi

Paturpësisht si kryqëzohen shtizat

Kush ma i pari ta ngulë bajrakun

Në kullën e Atdheut

Grindjes s’i bien dhëmbët

Na i bën rojë mallkimit tonë

E ligësia na i përzuri kokat

Derisa presim kush ta kapë

Copën e kulaçit

E korba e veriut

Me furtunë e mjegull

Na e nxinë qiellin ditën me diell

Kush s’ka t’ia ndalë turrin

E grindjes s’po i bien dhëmbët

Se kush ta ngulë bajrakun më i pari

Mbi kullën e Atdheut

/www.QendraPress.com/