“VV-PDK dhe pakicat, koalicioni paszgjedhor”

Analisti politik, Ramush Tahiri, ka publikuar një analizë përmes së cilës në zgjedhjet e ardhshme parasheh që LVV-ja dhe PDK-ja do të ketë një koalicion paszgjedhor.

“Diçka si parashikim e analizë. Në zgjedhjet e ardhëshme parlamentare do te zhvillohet një garë per vendin e parë ndermjet Lëvizjes VV dhe PDK dhe mëpastaj një koalicion paszgjedhor ndërmjet këtyre dy partive fituese”, thekson ai përmes një deklarate të tij.

Sipas kësaj analize të Tahirit “Nëse Partia Demokratike e Kosovës del e para gjithsesi që do te pêrpiqet të bëje një koalicion me Lidhjen Demokratike të Kosovës, por nuk është e sigurtë që kjo e dyta do të pranojë , me gjase që LDK në këtë rast do të parapëlqejë të rrijë në opozite duke iu nënshtruar një procesi të themeltë zgjedhjesh brenda partiake”.

Ai thotë se Vetëvendosje do t’i ketë 35 -40 deputetë, PDK-ja 32-35, dhe me pakicat 20 , gjithësejtë bëhen 85 deputetë. “Ky do te ishte koalicioni paszgjedhor në të cilin kryeministri do të ishte nga Levizja Vetvendosje ndërsa Presidenti i Kosovës nga Partia Demokratike e Kosovës”, ka thënë Tahiri.

Ndërsa për Nismën parsheh se do të bëj koalicion parazgjedhor me PDK-në, ndërsa AKR-ja me LDK-në.

“Në koalicion parazgjedhor Nisma socialdemokrate do të shkoje me PDK, ndërsa AKR e Behxhet Pacollit do te shkojë me LDK ,por nuk përjashtohet mundësia që të bëje koalicion me PDK nëse kërkesat e saja nuk pranohen nga LDK”, potencon Tahiri përmes kësaj deklarate.

Në anën tjetër Tahiri në analizën e tij thotë se AAK-ja do të tentoj të bëj koalicion parazgjedhor me PDK-në, por që do të pamundësohet si marrëveshje pas insistimit të tyre për postin e presidentit.

“AAK gjithashtu do të tentoj të bëjë koalicion parazgjedhor me PDK, por insistimi i saj që posti i Presidentit ti takoj vetëm liderit të saj Ramush Haradinaj do të pamundësoj marrëveshjen”, thotë ai.

Ndërsa për u.d e presidentes, Vjosa Osmani thotë se “Vjosa Osmani do të garoje në nji listë të përbashkët me Vetëvendosjen në zgjedhje, por si subjekt i veqant por që pas zgjedhjeve ajo me deputetët e saj , tre ose katër do të ndahet pasi të arrihet marrëveshja e koalicionit për qeverisje ndërmjet Vetvendosjes e Partisë Demokratike, duke e mbajtur qëndrimin që ska koalicion me PDK”.

Ndërsa, LDK-ja sipas tij do të dal e vetme në këto zgjedhje.

“Lidhja Demokratike e Kosovës do të del e vetme në zgjedhjet e jashtëzakonshme parlamentare. Kjo parti do të ballafaqohet me krizën e identitetit dhe të përcaktimit të rrugës së saj politike për të ardhmen. Do të ketë presion për kuadrot nga terreni dhe do të ketë një garë për supremacion të brendshëm që shprehet edhe si dallim i rrymave dhe i filozofive të ndryshme politike.

Është e vështirë qê kjo parti ta ruaj këtë ndikim që e ka por gjithashtu nuk mund të thuhet se do të shënoj rënien nën 20 deputetë veqanërisht nëse harmonizohen pikëpamjet e Lutfi Hazirit, Avdullah Hotit e Gazmend Muhaxherit e pa ndikim nuk do të jenë as Sfarça e Veliu. Isa Mustafa do të mundohet të ruaj ekuilibrin dhe neutralitetin”, ka thënë ai në këtë analizë.