Fryma poetike e së dielës me poeten;Meri BO

Poetikisht Vjeshtë!

———————–

Shirat kane nisur muzikën e tyre

dhe vjeshta ndërkaq është midis nesh.

Gjethet kërcejnë vallëzimin e fundit para zhuritjes.

Ajri mban erë dheu te ngrohte

ndërsa ne ripërtërijmë zotimet tona te verës.

I mblodhëm ëndrrat që na rrëshqitën nën këmbë

dhe trokasim ne derën e stinës.

Si do tê qëndrojnë të burgosura vallë

tërë dimrin pikëllimi i ikjeve ?

Errësohet herët në rrugët e shpirtit

Në valën e detit, zërat heshtin

E dëgjoj heshtjen, dëgjoj edhe fjalët e tua,

kur thoshe se jeta na ka borxh më shumë vjeshta.

Shtatori,

ende premton diell dhe dritë hëne në mbrëmje.

Shpresa mbetet e varur në degët e gjelbra,

i bën vend natës për një dashuri verore,

mendimesh përqafuar

Zemra s’do errësirë,

dhe nëse qielli pikon puthje të lagura

Do largoj përqafimin nga ëndrra ime

përshtatje me një realitet të ri.

Vjeshta do ringjallet nga hiri

më e harlisur se kurrë

me pasionin e munguar !

/www.QendraPress.com/