Çaste poetike me poetin;Avdyl ZENELI

ENIGMAT E SHPIRTIT !

———————————

Paska enigma shpirti

jetojnë brenda tek ti,

shpella , plot mistere,

brenda të qenit njeri.

–

Paska enigma , shpirti,

bashkëjetesa në fshehtësi

E vetme , dashuria

Bashkë smirë e xhelozi.

–

Paska enigma shpirti,

Kërkon , dot s’i gjen ,

Dashurinë , sinqeritetin

Smirëxhelozinë që gënjen.

–

Paska enigma shpirti,

tek sytë , shikime heshtje.

Ose mbushur dashuri,

Ose të shfaqin urrejtje.

–

Paska enigma shpirti,

Me zërin ato shprehen

Ose egërsisht , vjellin

Ose gëzojnë e dëfrehen

–

Paska enigma shpirti

Që i tregon buza

Ose dridhen inatëshore,

ose dhurojnë të puthura.

–

Paska enigma shpirti

Kyçur tek enigmësia

I varfër , bart keqësi,

I pasur nga dashuria.

–

Enigmë qenka njeriu

Shpirti nuk i njihet

Edhe kufomën , braktis

Fluturon e nuk ndihet !

/www.QendraPress.com/