Çaste poetike me poeten: Dava Gjoka LlESHAJ

MOJ MIRDITË , MALL I PASHUAR

——————————————————

Sa herë përshëndes me fjalën “Mirdita “

Mendja m’vrapon atje tek ti

Aty ku linda e unë u rrita

Vendlindja ime ,ti ,dashuri

Sa herë të njohurit i përshëndes

Me fjalën e bukur ” mirëdita ” , si je ?

Prej tyre, përgjigjen, me dashuri e pres

Mendja tek ti , prapë m’vjen atje

Se dashuria për ty Mirditë

Nuk shuhet kurrë ,sa të kem jetë

Se tek ti linda ,aty jam rritë

Malli për ty në shpirt m’ka mbet’

Tek ti i hodha hapat e parë

Tek ti mësova të flas ,unë , shqip

Tek ti kam qeshur edhe kam qarë

Se ti je nana që më ke rrit’

Rreth e qark t’i bie ,unë , Botës

Si ti vendlindje nuk gjej askund

Tek ti e lashë dheun e tokës

Kam lënë dhe djepin që m’ka përkund

Tek ti unë lashë dhe rininë time

Moj Mirditë mall i pashuar

Sa herë ,unë ,flas me t’mijat kujtime

U them , Mirditën , s’e kam harruar

/www.QendraPress.com/