Fryma poetike e së dielës me poetin;-Gëzim AJGERAJ

Idil
————————-
Po deshe
Të fshihesh nga vapë e botës
Ik diku në Vërri
Strehohu atje ndër lisa
E ndër hije
Ku flenë zotat e flladeve
Ik me qetësinë tënde
Dhe këngën e zogjve
Shijo ditën
Dita në Vërri
Zukamë e harruar
Larg halleve të botës
——————–
Antiapoteoza e kohës
——————————–
T ’ i thurim himn kohës që koka kokonë
A ta ushqejmë mendimin me pelin motesh
Kur shpresat i kullosim lëndinave të shkreta
Me koka të thata e bajraktarë tek sheshi
U mbush kupa e ditëve tona
Uritur mbetën zogjtë e arratisë
Ku fjalamanët e pallateve
Na i ushqejnë me pelin ëndrrat
Në sofrën e thatë
A i bëhet amen kohës që vjell trishtim
E të lë pa pikë dielli mbi kokë
Kur njeriu pështynë mbi surratin e etnisë së vet
Medet halli
Ç’ vegulli e brishtë
Verbon mbi shpresën e së nesërmes
/www.QendraPress.com/