Çaste poetike me poetin;- Rexhep F. MORINA

PËR TË MADHIN MASHTRIM

——————————————-

Erërat e kohës sollën mjegullën shtëllungë,

Nga ajo doli një magjistar i veshur si murg.

Vajtonte për jetën tonë,lotët i rridhnin çurg,

Thërriste përditë,hajnat e pushtetit në burg.

Për hajnat nuk ka falje, ai ndiqte këtë avaz,

Si valë e detit masa i shkonte pas me tallaz.

Verbërisht i bindeshin si imamit në namaz,

Besimin e ngriti me piskamë e fjalë çapraz.

Vitet e pushteteve u ndërruan, ikën me furi,

Ëndërrimtarët shikuan turli gjelle me magji.

Syrin lakmitar e barkun llupë,ende kanë uri,

Kamuflojnë vjedhjet me lëvizje n’jug e veri.

Arsyetime irracionale pa argumente logjike,

Po trumbeton magjistari në procese politike.

Zhurmon si miza përmbi batakun në ligatinë,

Për bëmat e pëgëra,për të madhin mashtrim.

/QendraPress.com/