Fryma poetike e së mërkurës me poeten;-Merita GRUDA

Gjeografi

—————————-

Në viset e tua,

Drini del rrëmbyeshëm,

shkumon e zbardhon

e ngre n’ajri avuj të ylbertë,

tërbohet në theqafje shkrepash

e madhështi grykash që të lënë pa frymë.

Në viset e mia,

Drini vjen trazuar

në shtjellat e veta vlon

andrra bjeshkësh e dritash t’argjendta

ndizet e përndizet

në et’ fushash e ujërash të jeshilta Bune.

Nga viset e tua në viset e mia

Drini sjell mallin

e Bunës ia fal në përqafim.

E ashtu,

kapërthyer mallesh,

Drin e Bunë,

kridhen në det

e gjejnë paqtim.

/QendraPress.com/