Çaste poetike me poeten:- Abide Peci Gashi

NJË DHURATË NGA ZOTI

——————————–

Të njëjtën ditë, të njëjtën datë,

Kur unë isha shumë e pikëlluar,

Zoti nuk më lë me qajë,

Me një mbesë më ka gëzuar!

Mungesën e nënës time,

Tridhjetë e dy vite e kam vuejtë,

Pas kaq vitesh këtë ditë ndjejë gëzime,

Dhuratë për mua Zoti paska ruejtë!

Herët në agim kur këndoi Këndezi,

Kangën e gëzimit e kishte shumë,

Një lule të bukur e qeli mëngjesi,

Gjyshe dhe teze u lumturuam!

Lulja qeli shumë e bukur

Me sy të shkruar si ngjyra e detit,

E butë si mëndafshi , e lehtë si një flutur,

Ma e ëmbël se shija e kekut!

Po më ndrinë fytyra , po gëzon shpirti i bardhë

Mbesa si yll drite shkëlqeu këtë mëngjes

Bënte dritë si rrezja e parë,

Në urim u këthya çdo shpresë!

Mbesa jonë tu ngjatë jeta,

Qofsh krijesa më e lumtur në botë,

Ty të ruejt e të rritë i madhi Zot!

Të bekoftë me mirësitë dhe bekimet e veta!

24 Qershor 2024, Mitrovicë

/QendraPress.com/