Çaste poetike me poetin;-Rexhep. F. MORINA

TRIDHJETË E TRI SEANCAT

————————————————-

Tridhjetë e tri takimet e konstituimit,

Janë tridhjetë e tri hapat të dështimit.

Tridhjetë e tri veprimet e organizimit,

Janë tridhjetë e tri fjalë të poshtërimit.

Tridhjetë e tri mënyrat të koordinimit,

Janë tridhjetë e tri forma të mashtrimit.

Tridhjetë e tri përpjekje në vazhdimësi,

Janë tridhjetë e tri fyerje plot hipokrizi.

Tridhjetë e tri zvarritje me një egoizëm,

Janë tridhjetë e tri hedhje konformizëm.

Tridhjetë e tri prolongimet me fshehtësi,

Janë tridhjetë e tri goditje për një letargji.

Tridhjetë e tri tentativa, të vetmin qëllim,

Janë tridhjetë e tri humbje me dëshpërim.

Tridhjetë e tri paraqitjet të përformancës,

Janë tridhjetë e tri shprehje të arrogancës.

Tridhjetë e tri seancat, histori e kuvendit,

Janë tridhjetë e tri përbaltje të tërë vendit.

/QendraPress/