Çaste poetike me poeten;- Emine Konushevci -DURMISHI

Në Heshtjen Tënde

————————————-

Në heshtjen tënde unë ende të dëgjoj,

Një zë i padukshëm në shpirt më vjen

Si jehonë e largët që prehje dot nuk gjen

Më flet pa fjalë, e pa duar më përkëdhel

Të kërkova në verë, në shi, e çdo stinë,

Në natë të pafund në diellin kur lind

Por ti ishe hije që ikte dal ngadalë

Në sytë e kujtesës, mbete e paparë

Ndoshta s’ishte fati, ndoshta ishte koha,

Që s’na fali ne, atë çfarë deshëm shumë.

Një çast i paharruar, një botë e përbashkët,

Që u fundos si valë jete dikund në një lum

E sot, kur gjithçka është larg, është vonë,

Unë ende të ndjej si një plagë në kraharor

Në çdo buzëqeshje që kurrë nuk buzëqeshi,

Në çdo përqafim që kjo zemra ime deshti

Në heshtjen tënde, unë ende të dua,

Me një dashuri që nuk ka më emër.

Në një botë pa ty, çdo hap është i huaj,

Por kujtimi yt është dhimbje në zemër!

/QendraPress/