Çaste poetike me poeten:-Armenida QYQJA

GJYSMA TË MANGËTA

——————————

Merrmë, ashtu siç di ti,

Të djegura janë llampat e trurit

Shtigjet e fjalëve, të lodhura,

Pafundësisht të endura,

Askund të mbërritura…

Gënjeshtra, të bardha, të zeza,

Në fund të fundit gënjeshtra

Dhe të vërteta gjysmake,

Që me dorën e mangët na vrasin

Sapo në gjumin e ëndrrave biem…

Ndiej që sonte jam

Më pak se gjysma e gjysmës tënde

Dhe ti gjithashtu…

Udhëve na kanë ngrënë,

Pabesisht, nga pak të gjithë…

-ARMENIDA-

/QendraPress/