Me një  akademi përkujtimore  u nderua  figura e Aziz Shipkovicës ,personalitet i nderuar në Prizren e më gjërë

     Në mjediset e Shtëpisë së Kulkturës ’’Xhemajli Berisha’’ në Prizren  të shtunën u përkujta  me një  akademi përkujtimore  figura e Aziz Shipkovicës ,personalitet i nderuar i Prizrenit,organizuar nga  SHKA’’Agimi’’. Ku fillimisht  për biografinë e Aziz Shipkovicës  ka folur  Vllaznim Bytyçi  Aziz Shipkovica lindi me 26 Nëntor 1937 në Prizren .Me pasionin e tij dhe këmbëngulësinë e njohur, arrin që në vitin 1954 si gjimnazist të luaj si futbollist për klubin futbollistik ‘’Liria’’ me emrin e atëhershëm Metohia, Prizren.  Në vitin 1958 pas përfundimit të Gjimnazit me motiv për të kontribuar më shumë për popullin, dhe vendin ku populli kishte filluar të shpërngulet nga Kosova për shkak të represioneve të regjimit, fillon studimet në Universitetin e Shkupit, në fakultetin e Agronomisë në gjuhën maqedonase, duke mos e njohur fare gjuhën maqedone. Me entuziazëm e motiv të pathyer arrin të diplomon në kohë në vitin 1962, gjë që e përcakton një ndër 2 – 3 gjeneratat e para të intelektualëve në Kosovë.  Në vitin 1973 emërohet ushtrues detyre drejtori Gjeneral në Kombinatin Bujqësor Industrial “Progres” Prizren e më pas zgjidhet drejtor Gjeneral në Kombinatin Bujqësor Industrial “Progres” deri në vitin 1985. Me punën e tij e palodhshme, e të dinjitetshme dhe motivi për një Prizren dhe Kosovë të pavarur arriti që kombinatin ta shndërroj në një Kombinat gjigant me 10 organizata themelore punuese, ngritjen e kapaciteteve te lavërtarisë, blegtorisë, vreshtarisë e venarisë, tregtisë dhe rritjen e dukshme të eksportit ku pastaj kombinati nga KBI “Progres”  shndërrohet në KBI “Progres-Export”. Në vitin 1980 Aziz Shipkovica dekorohet me Urdhri i Punës me Kurorë të Artë. Ky urdhër apo medalje, fitohet për arritjen dhe sukses personal në ekonomi dhe për punë me rëndësi të veçantë për përparimin e vendit.Në vitin 1986 nga Kuvendi i Kosovës emërohet ministër për bujqësi e pylltari dhe Hidroekonomi të cilën detyrë e ushtroi deri në shpërbërjen e dhunshme të qeverisë së Kosovës në vitin 1989. Në vitin 1997 merr mirënjohje nga Këshilli i Bujqësisë së Republikës së Kosovës për kontribut të veçantë të zhvillimit të vreshtarisë dhe verëtarisë së Kosovës.Lidhur me  figurënë  tij kan fnë  folur edhe Nuri Shalqini, Sokol Cena, Avdullah Krasniqi. Kurse  po kështu  për figurën e  Aziz Shikovicës folën edhe ;Kadri Skeja e Liman Asllani. Së fundi  ne emër të familjes  ka falenderuar e bija e tij Nora Rada. Intresimi i madh  ishte  për ta nderuar këtë figurë të rëndësishme në historikun e  Prizrenit,Pastaj pati edhe  pika muzikore  në nderim të figurës të Aziz Shipkovicës./QendraPress/