Fryma poetike e së mërkurës me poeten:- Hyrë H. FAZLIJA 

Eh, vjeshta ime!

————————–

M’rri n’sy erë e valë,

Dhe mbyll qepallat brenda të cilave

ngrij imazhin tënd.

N’buzë më shkrihet, akull,

pikë e vesës mëngjesore.

Nostalgji.

Kur mungojnë fjalët,

gjethe të verdha kërcasin nën këmbë

si acari dhëmbët.

Ditënata ndahet n’shtatë copa ylberi,

gëlltitë vetminë e bjeshkës, n’cep t’qiellit…

Dita peshon mall.

N’pagjumësi, m’fle në sy, vjeshtë…

E ashtu dehur,

mijëra mendime i thur e çthur, ngatërruar, fërfëllimë e shtatortë…

Ti e di: Je kopshti më i bukur,

brenda të cilit fêmijërisht rritem,

se,

n’aromë freskie, mbytem në afshin tënd, vjeshtë…

250925,

/QendraPress/