Fryma poetike e së mërkurës me poeten;-Adelina Dardha HASKAJ

Poetit

————————–

I gjallë mes turmës,

kufoma jote endet,

dëgjon cëkërimat e molëve

teksa gërryejnë drurin,

gërryejnë edhe ty.

Heshtjen e vëzhgon

me grimcat e dritës

që të mungojnë

në ata sy

që mbajnë peng ngjyrat

e perëndimit,

dhe zagushinë e gushtit

të ngjitur dikur

në fletët e një libri.

Shpirti yt,

sa një ecejake,

i vjen rrotull jetës

derisa dita e fundit

ta thërrasë me emër.

/QendraPress/