Çaste poetike me poetin.-Murtez ASLLANI

NË MOSHËN E TRETË

———————————

Në moshën e tretë

gjithçka ndryshon

sytë zvogëlohen

rrudhat shtohen

mbi ballë,

si lavër pllugu

e mbi qepalla

rëndon heshtja

si një lugat

që të lërë

në shtrat.

Këmbët shkojnë zvarrë

dhe s’mundesh me dalë

atje ku dëshiron,

se trupi të lëshon

dhe pa bastun

hapin s’e ndërron.

Dridhen duart

si purteka,

gota bie në tokë

rrallëherë takohesh

me miq e shokë.

Uh, sa lëmsh

është bërë jeta

secili shikon

interesat e veta,

gjithçka ka ndryshuar,

por duhet pajtuar

të ecim ngadalë

dhe pa u ndalë,

se kështu e ka jeta,

kur vjen kjo e treta!

/QendraPress/