E shtuna poetike me poeten:-Makfire SHALA

Mallkimi i Parasë

———————————-

Eh, qka u ba me këtë vend,

për pare po tretet ndera e kuvend.

Po shiten troje, ara e det,

si mos me pasë gjak kjo tokë e shkretë.

Për një grusht pare po e japin Shqipninë,

pa mendu për fis, për gjuhë, për historinë.

Po harrojnë se kjo tokë s’asht mall tregu,

po amanet i t’parëve që me gjak e kanë mbrojtë.

Sot nënshkruajnë letra mbi tavolina,

e nesër mbesin mallkimet mbi kurriz t’shqiptarëve.

Se toka nuk shitet si plaçkë pazari,

ajo mban varret, djepat e shqiptarit.

Mos e shitni vendin për copa floriri,

se paret digjen, po toka mbetet thirrje lirie.

E një ditë ka me ju dalë para historia,

tu ju pyet:

“Kur e shitët tokën… a e shitët edhe shpirtin e Shqipnisë?

Me dhimbje për tokën shqiptare

Makfire Shala

/QendraPress/