Çaste poetike me poeten;-Diana MEHMETI

Urinë për paqe

—————————

Kam urinë për paqe,

në një botë që gëlltit zhurmë

e pështyn heshtje.

Kërkoj një copë qiell

ku fjalët të mos vriten

para se të bëhen zogj.

Dua një dritë

që nuk ushqehet me flakë,

një dorë

që nuk mat forcën me plagë.

Kam urinë për paqe,

aq sa buka nuk më mjafton,

sepse shpirti nuk ngopet

me tryeza të mbushura,

kur zemrat mbeten bosh.

Dhe besoj se një ditë,

kur njeriu të mësojë

të dëgjojë heshtjen,

zhurma do të mbetet

vetëm një jehonë

e një kohë që nuk meriton të përsëritet…

Autore Amb Diana Mehmeti

/QendraPress/