Çaste poetike me poetin;-Enver N. REXHAJ

Një shpirt në heshtje

————————————-

Ëndrrat e shpirtit i ruan në heshtje

në zemër mban mallin kujtimet dhe shpresë

ikën çdo dhimbje por gjurma s’përfundon

qesh me botën ndërsa shpirti vajton

Në sytë e tu fshihet një botë pa fund

me ndjenja të thella që s’thuhen askund

rrallë kush e njeh atë që zemra duron

se orët më të heshtura janë kur ajo lufton

Dhe nëse një ditë gjithçka do të ndryshojë

shpirti yt kurrë të mos harrojë

një shpirt që hesht por që ndien aq shumë

një zemër që s’tregon çdo plagë

por që edhe në heshtje lë gjurmë

/QendraPress/