Bora rikthen turistët në Prevallë
Reshjet e ditëve të fundit të borës ringjallën atmosferën turistike në Prevallë të Prizrenit. Qytetarë të shumtë nga komuna të ndryshme të Kosovës erdhën këtu me fëmijë të vegjël për të kaluar fundjavën.Bora solli edhe vizitorë të shumtë nga Shqipëria por edhe Maqedonia e Veriut. Ata thonë se po kënaqen në këtë natyrë të bukur. Pavarësisht reshjeve të borës në ditën e parë të këtij vikendi, rrugët ishin të pastruara dhe nuk kishte vështirësi për t`u ngjitur deri lart.
