Çaste poetike me poeten;-Angela KOSTA

NUK E DI…

————————–

Nuk e di nëse i ngjan

kohës së humbur,

tretur në misteret e magjishme të jetës,

teksa në zbrazëti takon

kujtimet e heshtura,

duke përqafuar marrëzisht

mungesën e mallit.

Nuk e di nëse i ngjan

rrjedhës së lumit,

duke ndenjur në breg,

pa e pritur ardhjen time.

Nuk e di nëse i ngjan

dashurisë,

shoqe e marrë e vetvetes,

Me të vërtetë…

nuk e di…

/QendraPress/