Çaste poetike me poeten: Anila Kodra KOTROCI  

ASKUSH NUK E DI

——————————————

Askush nuk e di që retë në qiell

Dhe hënë vetmuara parë ne na kanë.

Parë na ka rrezearti i flakti diell

Kur qeshem , gëzuam edhe kur qamë.

Nuk e di njeri akoma dhe sot

Që dallgë e detit që përplasej ngadalë.

U bë dëshmitari më i fshehtë në botë

Na spërkaste dhe largohej pa thënë asnjë fjalë.

Rruga që shkelëm unë dhe ti

Heshtëte nën hapat tona të lehtë,

E besonte dhe ajo që kishte dashuri

I ndjente zemrat tona që shkundeshin si fletë.

Askush ende se di që unë dhe ti

Atij Ajri mëngjesi zemrat i besuam.

Dhe i lamë të lira të bëjnë dashuri

Askush akoma se di që lumturisht

u dashuruam

Akoma nuk e di njeri që ne të dy

Flasim , qajmë dhe në një kohë të dy qeshim.

Largësia sna ndal ti rrimë njeri tjetrit në sy

Ashtu si një pikë loti që botës ja fshehim ..

Dhe nëse nuk e di akoma asnjeri

Besojmë dhe duhemi më shumë unë dhe ti