Çaste poetike me poeten;-Shkurte BERISHA

VIJA E KUQE

———————–

Vijën e kuqe e hedh mbi letër,

Edhe mbi njerëz a diçka tjetër,

Ajo është flakë për t’u dalluar,

Po e shkele, do jesh përvëluar.

Mbi letër është një vijë e prerë,

Që s’duhet kaluar asnjëherë,

Ajo vendos një kufi në shkrim,

Si një mesazh dhe një kujtim.

Mbi njerëz kjo vijë e kuqe vendoset,

Kur durimi dhe gjithçka tjetër soset,

Ajo i nxjerr njerëzit jashtë jetës sate,

Pa zhurmë, pa fjalë dhe pa debate.

Është vijë dalluese që rri në sy,

Një paralajmërim për mua e ty,

Kufiri i fundit që gjithmonë tregon,

Aty ku fillon edhe mbaron.

Shkurte Berisha, 01 Tetor 2026

/QendraPress/