Çaste poetike me poeten;Lola SHEHI

ZGJIM

—————

Sa e vështirë është të zgjohesh pa ty

Zgjohesh e drobitur si zogu krahëvrarë

Duar të ënjtura e rrathë gri nën sy

Gjerdani rreth gushës të bëhet litar.

E quan zgjim dhe pse s`ke fjetur

Dhe pse e di se gjumi asnjë minutë s`të ka marrë

Me shpirtin plagë që veson dhimbje

Kërkon nën jastëk ëndrrat si e marrë.

Ëndrra bën shtrigën, qeshet e luan me ty

Si kaçake pasmesnate në shtrat paska ardhë

Ca gënjeshtra të ëmbla të ka qëndis mbi sy

Ndërsa ti i mban lojën, shtiresh e hiqesh borëbardhë…

Zgjim, sidoqofsh

Ardhsh i bardhë!

/www.QendraPress.com/