Çaste poetike  me poeten:Mimoza LESKAJ

Lindje

———————

Sot në mëngjes dielli theu ritin e tij të lindjes,

në një kah të pashkelur kurrë.

Hëna përfundoi mbrëmë ciklin e saj të plotë,

dhe qielli u errësua në një heshtje të ftohtë.

Ne fjetëm me natën për të shkuar honit të saj,

dhe kur u zgjuam, ishim krejt të panjohur.

Nuk ka asgjë të shkuar më.

Asgjë nuk trondit themelet e vjetra!

Harkut të qiellit u përballa vetëm,

me duart kryqëzuar për lindjen e re.

/www.QendraPress.com/