Çaste poetike me poetin;-Asllan MIFTARI

POLITIKA DHE PASOJAT

————————————

Thonë që politka është brirë dashi

Dredhur e përdredhur, gjer ku s’ka

Diku hedh gurin e fsheh dorën

Diku vëllezër e motra ka përça

Brirë dashi thonë është politika

Gënjeshtër, lajkatare gjer ku s’ka

Nëse i beson, të sajës gënjeshtër

Të përdredh, madje të ngren hava

Thënë troç, politika është gënjeshtër

Nëse i beson, dimrin t’a bën verë

Të çon te burimi e s’të jep ujë

I etshëm do mbetesh përherë

Politika është gënjeshtër dhe hipokrizi

Provuar me qindra a mijëra vjet

Bukuri fjalësh, sa thonë është parajsë

Ky është realitet, mbi të vërtetë

Politika, është lojë fjalësh

Të premton mrekulli, apo majën e botës

Të çon andej, ku s’ta merr mendja

Madje të luan nga mend’të e kokës

Politika është gënjeshtër e pashoqe

Hipokrite dhe e pistë, sa qielli i paanë

Kohërat kanë provuar e treguar

Lumë i ndotur që, askush si del matanë

Andaj politika është një gënjeshtër

Madje gënjeshtër me bisht

Si fillim të përulet e të shtrinë dorë

Në fund ikën e t’a bën me gisht

Ndaj kujdes me fjalën o MIQ të mirë

Politika, – ekuacion tejet i vështirë

Fitojnë ata të cilët, njësh janë mbirë

Ne bëhemi armiq, pa interes e dëshirë !

/QendraPress/