Çaste poetike me poetin:-Gëzim AJGERAJ

Ç‘ NDODHI ME BESËN?

——————————–

Një fjalë s‘u mbajt rrodhi e ra

Dikush s‘e ruajti, çka tjetri i tha?!

Dhe pse për fjalën një fjalë u dha

Kot ish betimi për atë çka u tha

Sa rëndë, sa keq u shkel mbi fjalë

Se çfarë i ndodhi betimit të thënë

Një thikë pas shpine besës i ra

Fjala vajtoi natën me hënë

Një thënie e vjetër e plisbardhit

Në shtratin e vdekjes para se të vdesë

Për dritën tënde dhe të idealit

Ruaju të pabesit se nuk njeh besë

Ç‘hije e zezë na e shitoi fjalën

Ku mbeti ajo ç‘virus i ra

Në mos mallkimi na e prishi gjakun

Dhe fjala Besë sa keq u vra

Kush s‘flet për Besë e as për fjalë

Viktimë demode na ra mendimi

Pse shkelim besë e hamë fjalë

Mbi kohëligën harboi mallkimi

/QendraPress/