Çaste poetike me poetin;Rexhep F. MORINA

MË IKË ZEMRIMI

——————————-

Ftohtësi stine është harrimi,

Dhembja zhurit si përvëlimi,

Lehtë si era vije mallëngjimi,

Dhe në mua hiqet trishtimi!

Ngrohtësi pranvere diellzimi,

Egos i rritet përherë durimi,

Aromë lulesh vije ngazëllimi,

Dhe në mua fiket ëndërrimi!

Peizazh i bukur është lulëzimi,

Ndjenja butësi e një ledhatimi,

Madhështor rikthehet besimi,

Dhe në mua shuhet zhgënjimi!

Ngjyra mahnitëse ka blerimi,

Afshi bëhet prush përqafimi,

Çuditërisht vije ai çast gëzimi,

Dhe në mua ikën zemërimi!

/www.QendraPress.com/