Çaste poetike me poetin;Rrahim SADIKU

H I S T O R I A

———————

Shekujve vjen si pranvera

Premtuese si zana e ëndrrave

Mashtruese si shpresa

Sapo hap gjelbërimin e lulet

Kthehet në kohë të acartë

Bryma shkrumbon sythat e rinj

Mandej lumenj gjaku rrjedhin deri te ditët me diell

Gërshetuar me acar

Shekujve vazhdon të vijë si pranvera

Sa e fuqishme

Sa e brishtë

Dhembje e gëzim duke përzier

Verat e thata e dimrat e gjatë duke i mbuluar

Me petkun e besimit në ardhmëri

/www.QendraPress.com/