E shtuna poetike me poetin:-Sabit RUSTEMI

DITËZEZAT TONA KUSH (S)I DËBON

————————————-

Na e mori f’tyrën një ditëzi

e s’kem qysh dalim

as n’oborr

as qysh rrimë në tonën Shpi

Gjama e nji naneje

tek shtrëngonte me duer

një fryt jete për nji ditë të re

na uli për dhe

S’di si mund t’i shohim në sy

të mirat tona

motrat

gratë

ato që i duem ma shumë se veten

që janë vetë bota

Mbetëm pa fjalë

pej t’keqes sonë na u m’pi edhe gjuha

e moçmja Dardani

nuk na p’shtoi as kjo Kohë e re

Na mloi gjaki ynë

ai gjak jete

na shitoi

Ora e ligë e farës së prishun

edhe në Shejtin e ri që po vinte në jetë

preki

heee ditë mos paftë

Ditëzezat tona

kush (s)i dëbon

( 1 Dhjetor 2022 )

/www.QendraPress.com/