Fryma poetike e së dielës me poetin;-Namik SELMANI

Pikëllima e Pikëllimës

Në kujtim të fisnikut Izet Duraku

———————————————-

Malin

e Pikëllimës do ta kthej në një përrua me lot të gurtë.

Në kohën pa kohë e dashkam sërish një piskamë poeti

Atë

Shpirt qelibar dua ta zgjoj te Pashtriku e në odën e urtë

Ku të na shfaqet si zambak a trëndafil në valë deti

Po shoh

Me sy lotuar gurët e kullave të Kukësit e të Kosovës.

Në prehër Gjallice do ta ngrej urën ku kalëron kujtesa

Mos

Mos më thoni, bre, se nuk do ta kemi sërish mes sofrës!

E heshtja do të na godasë si guri I thiktë në breza

Dua

ta zgjoj atë hap fisnik, si të shihja një magje me miell

Do ta bëj buzëqeshjen e tij flamur për fjalën e ngrohtë

Ishim krenarë që ia lexuam në tryezë fjalën rrezedielltë

Sot jemi të shituar nga lajmi mortor që na dha ky tetor

Ligjvënës

jete nuk është gjerbimi i menduar i një kafeje.

Është kujtesa që ngrihet vrik si kala me dhjetra bedena.

O ikje poetësh, bëhu balsam që ngrihesh si majë dallge.

Për fjalën e tyre ligjërohet në gurrat fjalëfreskëta.

Boston, 24 tetor 2026

/QendraPress/