Zemaj: Kemi planin tonë të vaksinimit
Ministri në detyrë i Shëndetësisë, Armend Zemaj, deklaroi se Kosova ka plan për vaksinimin. Deklarata e tij erdhi pasi kryeministri i Shqipërisë, Edi Rama, ka deklaruar se pjesëtarët e stafit shëndetësorë nga Kosova mund të vaksinohen në shtetin shqiptar.“Prioritet është vaksinimi i kuadrit shëndetësor, kur dihet përkushtimi i tyre dhe vdekja e mjekëve dhe infermierëve duke trajtuar virusin. Ne kemi plan të hartuar si do të zhvillohet vaksinimi, prioritet janë kuadri shëndetësor”, tha Zemaj për KOHA-n. Kosova është vendi i vetëm në Ballkanin që ende nuk e ka siguruar vaksinën anti-COVID.
