Çaste poetike me poeten:Gjelina Maçi KECI  

PËR TY…

Për ty –

Fryma u lodh nga pesha e pritjes,

E Muret e zemrës plasaritur nga ankthi,

Veshët u shurdhuan nga heshtja e gjatë…

Për ty –

E dashuria e shpirtit pret e pret,

Dita u thinj sa për njëqind vjet!

Dhe Vjen ai çast

Kur mbetesh pa fjalë,

Të shprehesh atë që ndjen,

Kur qenien ta ka zaptuar,

Qerpikët njomën herë pas here…

Për ty –

E frika të pushton

Nga largësia se mos të të humb,

Shpirti ndjen tërmete

Herë pas here,

E mendja rrinë vetëm në një pikë;

Malli – mallit s’i ngjan,

Ëndrra struket e gjumi të tretë,

Nata të bëhet ditë

Pa hënë e pa diell

E të ther në shpirt.

Gjelina Maçi Keçi