Trump paralajmëron se mund të arrestohet në javën e ardhshme

              Ish-presidenti i SHBA-së, Donald Trump tha se ai pret të arrestohet të martën në një çështje të ngritur nga zyra e prokurorit të qarkut të Manhattanit.Prandaj, ai u bëri thirrje mbështetësve të tij të protestojnë, sipas një postimi në “Truth Social” të shtunën.Një zëdhënës i zyrës së prokurorit të qarkut nuk pranoi të komentojë, shkruan Reuters, përcjell Klankosova.tv.Trump tha, pa dhënë prova, se “rrjedhjet e paligjshme” nga zyra e prokurorit të qarkut të Manhattanit tregonin se ai do të arrestohej. Ai nuk sqaroi se cilat do të jenë akuzat.“Rrjedhjet e paligjshme nga zyra e prokurorit të qarkut të Manhatanit të korruptuar dhe shumë politik … tregojnë se, pa asnjë krim që nuk mund të provohet … kandidati republikan i largët dhe ish-presidenti i Shteteve të Bashkuara të Amerikës, do të arrestohet të martën e javës tjetër”, shkroi Trump.“Protestoni, na ktheni kombin!”, thirri Trump.Zyra e Prokurorit të Qarkut të Manhatanit, Alvin Bragg, në fillim të këtij viti filloi t’i paraqesë prova një jurie të madhe që hetonte një pagesë prej 130,000 dollarësh që Michael Cohen, ish-avokati i Trump i bëri yllit porno, Stormy Daniels gjatë fushatës së Trump në vitin 2016.Trump ishte president republikan nga viti 2017 deri në vitin 2021 dhe ka thënë se do të bëjë një përpjekje për t’u rikthyer në Shtëpinë e Bardhë në zgjedhjet presidenciale të vitit 2024.