Marsi i së dielës  poetike me poetin;-Gëzim AJGERAJ

NISJET

———————

Ato njëherë vijnë tek porta,

vijnë të të marrin ty

vetëm njëherë vijnë e të marrin

dhe kur të marrin udhëve të veta

s’të pyesin as për kthime e as për harrime

njëherë të marrin me vete për udhë

vijnë befas pa trokitur tek porta

as pa e hapur atë

të arrestojnë pa dhunë e pa maska

duarthatë

e të marrin me vete për udhë

e nëse të kanë grabitur ëndrrat e tyre

humbë të kanë m’at anë gjeografive

paudhëkthime

në prangat e tyre mos rrafsh

as edhe njëherë të vetme

se bëhesh rob i përmallimit

nëpër udhë

/www.qendrapress.com/