Fryma poetike e së mërkurës me poeten;-Anila KODRA

MË VJEN

Në jetën time nënë ti erdhe vetëm një herë ,

Ashtu si edhe unë erdha në tënden jetë .

Por fjalët , neve s’na mjaftuan asnjëherë

Të shprehim dashurinë që ndjejmë vërtetë .

Ajo vjen si valë deti brënda saj më përthith ,

Më çon diku larg viteve dhe fëmijërisë time ,

Për lotët që derdh për ty sot flokëbardha ime , më ndih ,

Se pa ty , ose me ty larg , gjithmonë do jem jetime .

Më vjen si erë e lehtë mali , aromë bari në fushë

Më qëndron gjatë në zemër , brënda shpirtit tim,

Si aroma jote trëndafil, sa herë që të puth në ballë e gushë ,

Dhe dridhem si purtekë , kur kujtoj sa trupi të ndjen lëngim .

Më vjen si fllad vjeshte tani , i stinës kut ti më linde ,

Si një shi i imët , që spërkat me butësi dhe delikatesë ,

Më vjen si aromë e vendit tënd, manxuranë , si erë trëndeline ,

Me sytë nga qielli lutem në Zot , vetëm me një shpresë .

Më vjen edhe tani si ninullë , ai zëri yt i shuar , i fikur ,

Ai zë që më ngjallte në ditë të trishta dhe më mbushte me shpresë,

Kam mall nënë ta dëgjoj ate , edhe një herë të pa ligur ,

Dhe loti i dhimbjes në sytë e tu të thahet e tretet , si vesa në mëngjes ..

Në jetët tona , ne gjithmonë do jemi të dyja bashkë ,

Unë dhe ti , të dyja nënë, shpirt e zemër kurrë pa u ndarë ,

Kur vuan njëra , të dyja digjemi si eshka me kashtë ,

Ne edhe me sy kuptohemi , kur kemi qeshur e kur kemi qarë .

Në jetën time , erdhe një herë të vetme nënë ,

Një herë dhe unë për ty ,me dashuri të pa nxënë

/www.qendrapress.com/