Fryma poetike e së mërkurës me poeten;-Lubi.H.TOTA

MË MIRË T’MOS JU KISHA NJOHUR FARE !

——————————————————–‐———-

Më mirë t’mos ju kisha njohur fare,

Ndihem keq kur t’shoh ,betohem në zot .

Ai shikimi yt,po më vret ngadalë ,

Hijeshinë tënde ,s’po e përballoj dot .

Çfarë më bëre vall ,a nuk po ma thua?

Si rob i zënë peng dukem kësaj here ,

Në vargjet e mia ,si muzë më vjen mua ,

Por shpejt ti më zhdukesh ,stuhi me potere .

Më mirë do ish t’mos ju njihja kurrë,

Se mëngjeset zgjuar më gjejnë shpesh e shpesh ,

Saherë të shoh sytë ndihem në torturë ,

Në dremitje qaj ,por me vete qesh .

Po ç’të bëra vallë ,më thuaj mua të mjerit ,

Sa shpejt rashë brenda ,më bëre magji ,

S’po e gjej ilaçin ,s’i largohem vezit .

Sesa më dhëmb shpirti ,veç një zot e di .

S’po e gjej shtegun që ti t’jesh me mua ,

Për ty do e ulja në tokë dhe hënën .

Ç’të bëj vallë ,i mjeri ç’të bëj a s’më thua ?

Për dashurinë tënde ,peng e lëj dhe zemrën .

Autore / SULBIE .H. SHEHU /

/www.qendrapress.com/