Fryma poetike e së mërkurës me poeten;-Dava GJOKA
NUK PLAKET KURRË DASHURIA
U plakët vitet e mija
Këmbët po i merrni zvarrë ,zvarrë
Dikur fluturonit si vetë rinia
E tash dhe flokët u janë zbardhë
Ku ma latë ju fëmijërinë ?!
Se kam vite pa e parë
Ju ma morët dhe rininë
Pse vrapuat si në garë ?
Uleni pak vrapin vitet e mija
E mos nxitoni ju dhe kaq shumë
Se po më vjen ngadalë pleqëria
E me ju hapin se mas dot unë
Se unë nuk di ç’është pleqëria
E nga ta di pa e provuar ?
Veç di se bëhesh krejt si fëmija
Dhe thonë privilegj që ke jetuar
M’u plaket ju vitet e mija
Unë nuk kam ndërmend me u plak
Se nuk plaket kurrë dashuria
Dhe pse vitet shkojnë me vrap
Dava Gjoka Lleshaj ,Tiranë 12 Korrik 2023
/www.qendrapress.com/
