Çaste poetike me poeten;Valbona KOLAVERI

MOS EJA

—————————-

Mos eja,

Mes kungimeve të shpirtit,

Darkës së vonë

Të lutjeve,

Ti,

Shpirt i paepur dashnish,

Që butësisht

Më puth me fjalë

Mos eja,

T’më dhurosh trëndafil

Përkëdhelje gjinjsh,

Mendimeve pa fre

Ëndrrave,

E pastaj,

Me mjegullën të zhdukesh

Se po çmenden netët,

Nga zjarrmia

E një shpirti që po digjet

Mos eja,

Se mi ke lëkundë për besë

Brinjët

Udhëve të qumështit,

Qiejve,

Po rend si e marrë

Të freskojë ndjenjat

Mos eja më papritur,

Se janë harbuar yjet,

Duke zënë me dorë veshët

T’mos jenë dëshmitarë

Mos eja më,

Ti,

Ëndërr e pabesë

Se mi shkretove dhembjet.

/www.QendraPress.com/