Objekti që ka pasur një kujtim të trishtë, është mëkat që është vu nën mbrojtje-Shkruan; Qazim THAÇI

               Në kohën  kur  Ministri në detyrë  Hajrullah Çeku, ishte udhëheqës  i një OJQ-je dhe veprimtarë i dalluar I shoqërisë civile në Prizren, pati marrë  të  thuash si ‘’detyrë’’ /që unë as sot, e kësaj dite nuk po mund ta kuptojë pse/, duhet të vihej nën mbrojtje  të trashëgimisë  kulturore  objekti i kinemasë ‘’Lumbardhi’’. Një  objekt që  tregojnë të  gjithë ata që i njohin zhvillimet politike të  kohës  të OZN-së e UDB-së. E thonë se pikërisht në këtë  objekt  rikujtohen momente trishtimi,sepse  këtu  janë keqtrajtuar burra atdhetar e kombëtare e është  ushtruar dhunë deri ne likuidime. Kurse realisht dihet se pikërisht  ky objekt  edhe ka devijuar  rrugën unazore dhe padyshim se ka devijuar edhe  pjesën e  drejtë të trotuarit aq shumë të nevojshëm pikërisht në këtë  rrugë  e pjesë  qendrore të  Prizrenit. Po kështu mospajtim  pati treguar atëbotë edhe ish kryetari i komunës  Eqrem Kryeziu, i cili kishte  një projekt  të mirë  për  një parking  nëntokësor dhe  një kinema moderne. Mirëpo , faktori ndërkombëtar e pastaj mbledhja e nënshkrimeve  arritën që këtë  ‘’kazerme të  kohës  së  Titos’’, pa ndonjë  infrastrukturë as kombëtare as  qytetare e vunë nën  mbrojtje . Andaj, në cilësinë e një  qytetari   do të bëjë  një  apel  së pari  te kryeministri  në  detyrë Albin Kurti, të  ministri  i kulturës  Hajrullah Çeku.  Tek kryetari I komunës së Prizrenit  Shaqir Totaj, a mund  të  rikthehet një diskutim publik dhe  të  gjendet një miratim i ri  për këtë objekt.????!!! Të  bëhet një komision profesional dhe  të i japin trajtim të veçantë kësaj pjese që  besohet padyshim se do ta  zbukuronte Prizrenin besëlidhjes , tash kur më e ka  edhe  titullin kryeqytet shpirtëror. Komisioni mund të ishte i  formuar edhe nga ekspertë ndërkombëtar edhe  jo partiak. Kurse  dihet  se Prizreni, ka arkitekt të çmuar. Kjo si kërkesë imediate  duhet të  jetë  për secilin prizrenas që duhet të mendojë  besojmë arsyeshëm. Megjithatë , kjo  le të shërbeje  së paku si nismë  diskutimi. /QendraPress/