Poezi nga; Prenda Sejdia
NË PREHER TË MAGJES
———————————-
Edhe rrezet janë ndaluar në këtë dendësi mjegulle
Se nga vjen ky i çuditshmi trishtim
Koha mizore të ofendon as të drejtë mos prit
Ajri kontaminuar e zhytur në asfiksi
Ajo hëna e tretur në prehër të magjes
Mbi tryezë mungon ajo qetësi e shpirtit
Eh nëna pranë nuk i ka bijt e saj
Pjatat servirë nëna mbushur me ankth
Vargonjtë e lutjes drejtuar qiellit
Fjala ngrirë mbi buzë
Hirin gri të vjetër frymë e nënës ngre
Edhe të ardhmen europa ua gllabëroi
Ngrysja tek nëna ndjehet gjer më re
U nëpërkëmbëm mashtruar jemi
Se europa sofrën thatë na e la
Nëna ende me duar në magje
