Çaste me poeten :Fatime Kalimashi
DITË SHTATORI
Verë apo vjeshtë nuk e di
Atë ditë bënte dimër dhe acar
Bashkë me diellin binte shi
Ashtu e përvëluar shiun e kërkoja
Ta shtrëngoja fort e ta përqafoja
Por shiu më lagu më bëri për tokë
Pastaj munda shiun me dhimbje e lotë
Nga pikat e shiut sot po qëndis vargje
N’pentagram të vjetër ca nota të reja
Një këngë dashurie kënduar në heshtje
Poeteshat dashurojnë edhe në ditë vjeshte
Shiu për poeteshat është frymëzim për dashurinë
Ato dijnë të dashurojnë deri në çmendinë
E kështu mezi e prisja shtatorin me ardhë
Nga vapa e verës që kur mora plagë
Prapë një dhimbje tjetër më solli shtatori
Që kur ndjesinë time me vete e mori
Unë gjethe vjeshte e ngjitur në letër
Me nota të reja n’pentagram të vjetër
