Çaste poetike me poeten:-Anila KODRA

PLANETI I FILDISHTË

—————————–

Dallgët,

i përplaseshin

në shtatin e brishtë,

dhe fantazonte

një dashuri larg

në një planet të Fildishtë.

Atë çast

mbyllte sytë

dhe vetëm ëndërronte,

Por,

dallga zhurmëshumë

nga magjia e largonte.

Pastaj,

kur hapte sytë

pas shkëmbit mbështetur,

si pulbardhë e trembur

përplasej mbi dallgën

që kurrë s’rrinte fjetur.

Kërkonte të gjente

Qytetin e ëndrrave.

Kuptonte,

që çdo gjë humbte

mes zhgjëndrrave .

Ajo dhe dallga

përherë përplasen

si dje edhe sot.

Dhe fantazojnë

sikur ka një planet

të Fildishtë në botë.

/QendraPress/