Çaste poetike me poetin:-Sabit RRUSTEMI

PYLLI I BRINJËS

—————————

Kaq lehtë t’u besosh fjalëve

Makbeth Makbeth

Mos ishe në ëndërr i përgjumur

Apo njollat e pafshira të gjakut

Të kishin çmendur i çmendur

Pylli i Brinjës nuk lëviz

Vetëm era luan me degët e tij

Makbeth zanash i zanuar

Pylli i Brinjës

Rri aty ku është

Veç degët populli ia rrëmben

Masa e tërbuar kah ti vjen

Ti nuk i sheh ata

Pyllin e Brinjës sheh

Ja tek po t’i zë udhët

Tek po të zdirgjet mbi sy

Për kokën tënde të nemur

Lëviz Pylli i Brinjës lëviz

/QendraPress/