Çaste poetike me poeten :Anila Toto

Kam veshur

————————

lëvoren tënde

dhe eci

rrugës

e hutuar.

Jam pemë,

e nuk kam mendje.

Veç sytha

për të lëshuar.

&   &    &

Eja o shi

——————-

Eja o shi… Eja o shi…

E mbushmi sytë me botë malli

Të qaj e të derdh retë me stuhi

Derisa dielli nga shpirti të dalë.

E në një qiell të pastër krejt pa re

Të zgjohem nesër në mëngjes

Të besoj përsëri në atë zot e në fe

E paqtë të jetoj derisa të vdes.

Eja o shi e derdhu mbi flokë

Derdhu mbi ballë, buzë e gushë

Derdhu mbi trup më lag e më mposht

Derdhu mbi ndjenja edhe më mund…

Anila Toto